حضرت عبد اللہ بن مسعود رضی اللہ عنہ فرماتے ہیں کہ میں نبی کریم صلی اللہ علیہ وسلم کی خدمت میں حاضر ہوا، آپ کو بخار تھا، میں نے آپ کو چھوا اور عرض کیا: اے اللہ کے رسول! آپ کو تو بہت سخت بخار ہے، آپ صلی اللہ علیہ وسلم نے فرمایا: ہاں، مجھے اتنا بخار ہوتا ہے جتنا تم میں سے دو آدمیوں کو ہوتا ہے۔ میں نے عرض کیا: یہ اس لیے کہ آپ کے لیے دوگنا اجر ہے۔ آپ صلی اللہ علیہ وسلم نے فرمایا: ہاں، اس ذات کی قسم جس کے قبضے میں میری جان ہے! روئے زمین پر کوئی مسلمان ایسا نہیں جسے کوئی تکلیف پہنچے، خواہ وہ کچھ بھی ہو، مگر اللہ تعالیٰ اس کی وجہ سے اس کے گناہ اس طرح گرا دیتا ہے جیسے درخت اپنے پتے گرا دیتا ہے۔ [مصنف ابن ابي شيبه/كتاب الجنائز/حدیث: 11111]