حضرت سعید بن وہب فرماتے ہیں کہ میں حضرت سلمان کے ساتھ ان کے ایک دوست کی عیادت کے لئے چلا جو قبیلہ کندہ سے تھا، آپ نے فرمایا مسلمان کو جب کوئی تکلیف اللہ پہنچاتا ہے پھر اس کو دور کرتا ہے تو وہ اس کے گناہوں کا کفارہ ہوجاتا ہے، اور باقی زندگی میں اسے (توبہ کر کے اللہ کو) راضی کرنے کا موقع دیا جاتا ہے۔ اور گناہ گار اور فاجر کو جب اللہ تعالیٰ کوئی تکلیف پہنچاتا ہے۔ پھر اس کو عافیت دیتا ہے تو وہ اس اونٹ کی طرح ہوجاتا ہے جس کا مالک اس کی ران اور کلائی کو باندھ دے تا کہ وہ چل نہ سکے اس کو نہیں پتا کہ اس کو کیوں باندھا گیا ہے اور پھر اس کو چھوڑ دیا جائے تو اس کو نہیں معلوم کہ کیوں چھوڑا گیا ہے۔ [مصنف ابن ابي شيبه/كتاب الجنائز/حدیث: 11124]