حضرت خباب بن الارت فرماتے ہیں کہ ہم نے نبی کریم صلی اللہ علیہ وآلہ وسلم کے ساتھ اللہ کی راہ میں اللہ کی رضا کی خاطر ہجرت کی، تو ہمارا اجر اللہ کے ذمہ ثابت ہوگیا، فرماتے ہیں ہم میں سے بعض تو (دنیا سے) گذر گئے اور انہوں نے (دنیا میں) اپنے اجر میں سے کچھ بھی نہ کھایا، ان ہی میں حضرت مصعب بن عمیر بھی ہیں جو غزوہ احد میں شریک ہو کر شھید ہوئے، ہمیں کوئی کپڑا نہ ملا جس میں آپ کو کفن دیتے سوائے ایک کپڑے کے، جب اس کو ہم سر کی طرف کرتے تو پاؤں برہنہ ہوجاتے اور پاؤں کی طرف کرتے تو سر برہنہ ہوجاتا۔ آپ صلی اللہ علیہ وآلہ وسلم نے ارشاد فرمایا: اس کو سر کی جانب رکھ دو اور پاؤں پر ازخر کے پتے رکھ دو۔ اور فرماتے ہیں کہ ہم میں سے کچھ ایسے بھی ہیں جن کے پھل پک چکے ہیں اور وہ ان کو چن رہے ہیں۔ [مصنف ابن ابي شيبه/كتاب الجنائز/حدیث: 11392]