حضرت عثمان بن شماس فرماتے ہیں کہ ہم حضرت ابو ہریرہ رضی اللہ عنہ کے پاس بیٹھے ہوئے تھے کہ مروان آپ کے پاس سے گذرا، اس نے آپ سے کہا: نبی اکرم (صلی اللہ علیہ وآلہ وسلم) سے بیان کردہ اپنی حدیثوں میں سے کچھ کم کیجیے، پھر وہ چلا گیا اور کچھ دیر بعد واپس آیا ہم نے (آپس میں) کہا اب یہ ان سے الجھے گا، اس نے عرض کیا آپ رسول اللہ صلی اللہ علیہ وآلہ وسلم کو جنازے کی نماز میں کیا پڑھتے ہوئے سنا ہے؟ آپ نے فرمایا میں نے رسول اکرم (صلی اللہ علیہ وآلہ وسلم) کو یہ (دعا) پڑھتے ہوئے سنا: اللَّہُمَّ أَنْتَ ہَدَیْتہَا لِلإِسْلاَمِ وَأَنْتَ قَبَضْت رُوحَہَا تَعْلَمُ سِرَّہَا وَعَلاَنِیَتَہَا، جِئْنَاک شُفَعَائَ، فَاغْفِرْ لَہَا۔ [مصنف ابن ابي شيبه/كتاب الجنائز/حدیث: 11694]