حضرت اسود فرماتے ہیں کہ حضرت عمر عرفہ کی شام سرخ اونٹ پر سوار ہو کر (عرفات سے) روانہ ہوئے، اور آپ نے اپنی سواری کا سر اتنا کھینچ رکھا تھا کہ وہ کجاوے کے درمیانی حصے کو لگنے کے قریب تھا، اور آپ ان تین کلمات کے ساتھ تلبیہ پڑھ رہے تھے: لَبَّیْکَ اللَّہُمَّ لَبَّیْکَ، لَبَّیْکَ لاَشَرِیکَ لَکَ لَبَّیْکَ، إِنَّ الْحَمْدَ وَالنِّعْمَۃَ لَکَ۔ اور حضرت عمر کافی تیز چل رہے تھے اور جب بھی کسی ٹیلہ کے پاس سے گزرتے تو ہاتھ اٹھاتے اور تکبیر پڑھتے۔ [مصنف ابن ابي شيبه/كتاب الحج/حدیث: 13966]