حضرت جابر رضی اللہ عنہ فرماتے ہیں کہ حضرت علی رضی اللہ عنہ عراق میں فرمایا کرتے تھے: میں حضرت فاطمہ رضی اللہ عنہا کے اس عمل پر شکایت کرتے ہوئے رسول اللہ صلی اللہ علیہ وآلہ وسلم کے پاس گیا، اور جو بات انھوں نے آپ کے حوالے سے بیان کی تھی اس کے بارے میں رسول اللہ صلی اللہ علیہ وآلہ وسلم سے مسئلہ پوچھنے گیا، میں نے آپ کو بتایا کہ میں نے ان پر اعتراض کیا ہے، تو آپ صلی اللہ علیہ وآلہ وسلم نے فرمایا: اس نے سچ کہا، اس نے سچ کہا۔ (پھر) فرمایا: تم نے حج کی نیت کرتے وقت کیا کہا تھا؟ میں نے عرض کیا: اے اللہ! میں اسی کا احرام باندھتا ہوں جس کا احرام تیرے رسول نے باندھا ہے۔ آپ صلی اللہ علیہ وآلہ وسلم نے فرمایا: میرے ساتھ قربانی کے جانور ہیں، لہٰذا تم احرام نہ کھولنا۔ [مصنف ابن ابي شيبه/كتاب الحج/حدیث: 15342]