حضرت ابن زبیر نے ارشاد فرمایا: صرف حج کیا کرو، اور اپنے اس نابینا کی بات چھوڑ دو، یہ بات جب حضرت ابن عباس رضی اللہ عنہما تک پہنچی تو آپ نے ارشاد فرمایا: اے وہ شخص جس کے دل اور آنکھوں کو اللہ تعالیٰ نے اندھا کردیا ہے، کیا تو نے اپنی والدہ سے دریافت نہیں کیا؟ پس انہوں نے والدہ سے دریافت کیا تو انہوں نے فرمایا کہ ہم لوگ نبی کریم صلی اللہ علیہ وآلہ وسلم کے ساتھ حج کے لیے نکلے، آپ صلی اللہ علیہ وآلہ وسلم نے ہمیں حکم دیا، پس ہم پوری طرح حلال ہوگئے، یہاں تک کہ مردوں اور عورتوں کے درمیان انگیٹھیوں سے خوشبو کا دھواں بلند ہوگیا۔ [مصنف ابن ابي شيبه/كتاب الحج/حدیث: 16525]