حضرت عمرو بن دینار فرماتے ہیں کہ حضرت بجالہ رحمہ اللہ عمرو بن اوس اور ابو الشعثاء کو بیان فرما رہے تھے کہ میں حضرت جزء بن معاویہ رحمہ اللہ کا کاتب تھا۔ تو ہمارے پاس حضرت عمر بن خطاب رضی اللہ عنہ کا خط آیا کہ تم ہر جادوگر اور جادوگرنی کو قتل کردو۔ اور مجوسیوں میں ہر ذی محرم کے درمیان تفریق کردو، اور ان کو زمزمہ یعنی کھانے کے دوران منہ بند کر کے آواز نکالنے سے روک دو۔ حضرت بجالہ رحمہ اللہ فرماتے ہیں کہ ہم نے تین جادوگرنیوں کو قتل کیا، اور ہم ایک شخص اور کتاب اللہ کے مطابق اس کی محرم عورت کے درمیان تفریق کرنے لگے۔ [مصنف ابن ابي شيبه/كتاب السير/حدیث: 34839]