حضرت اسماعیل بن ابی خالد کہتے ہیں: جنگ جماجم سے پہلے اہلِ مساجد میں سے ایک شخص نے مجھے یہ بات سنائی۔ اس نے کہا: مجھے خبر ملی ہے کہ حضرت عیسیٰ علیہ السلام فرمایا کرتے تھے: اے اللہ! میرا یہ حال ہے کہ میں اپنے لئے جو چیز چاہتا ہوں اسے حاصل کرنے پر قادر نہیں ہوں، اور نہ ہی جو چیز مجھے بری لگتی ہے اسے خود سے دور کرنے کی استطاعت رکھتا ہوں۔ بھلائی میرے غیر کے ہاتھ میں ہے، اور میں اپنی کمائی کے بدلے گروی ہوں۔ خلاصہ یہ کہ کوئی فقیر مجھ سے زیادہ حاجت مند نہیں ہے۔ بس تو مجھے میرے دین کے معاملے میں مت آزما، اور دنیا کو میرا مقصد اصلی مت بنا، اور مجھ پر کوئی ایسا شخص مسلط مت فرما جو مجھ پر رحم نہ کرے۔ [مصنف ابن ابي شيبه/كتاب الزهد/حدیث: 36953]