حضرت عباس العمّی کہتے ہیں: مجھ تک یہ بات پہنچی ہے کہ حضرت داؤد علیہ السلام دعا میں یوں فرمایا کرتے تھے: پاک ہے تو اے اللہ! تو میرا پروردگار ہے، تو اپنے عرش کے اوپر (اپنی شان کے مناسب) بلند ہے، آسمان و زمین میں بسنے والوں پر تو نے اپنا رعب طاری کر رکھا ہے، مخلوق میں جو تجھ سے سب سے زیادہ ڈرنے والا ہے وہی سب سے زیادہ تجھ سے قریب ہے۔ جو تجھ سے نہ ڈرتا ہو اس کا علم بےکار ہے! اور جو تیری اطاعت نہ کرتا ہو وہ بےعقل ہے۔ [مصنف ابن ابي شيبه/كتاب الزهد/حدیث: 36963]