حضرت ابو صالح، جو حضرت ام کلثوم بنت علی رضی اللہ عنہما کی خدمت کیا کرتے تھے، فرماتے ہیں کہ میں حضرت ام کلثوم رضی اللہ عنہا کے پاس حاضر ہوا، اس وقت ان کے بالوں میں کنگھی کی جا رہی تھی اور میرے اور ان کے درمیان پردہ تھا۔ چنانچہ میں بیٹھ کر انتظار کرنے لگا یہاں تک کہ وہ مجھے اجازت دیں۔ اتنے میں حضرت حسن اور حضرت حسین رضی اللہ عنہما آئے اور ان کے پاس اندر چلے گئے جبکہ ان کے بالوں میں کنگھی کی جا رہی تھی۔ ان دونوں نے فرمایا: کیا آپ لوگ ابو صالح کو کچھ کھلاتے نہیں؟ انہوں نے فرمایا: کیوں نہیں! راوی کہتے ہیں: پھر وہ ایک پیالہ نکال لائے جس میں دانوں والا شوربہ تھا۔ میں نے کہا: آپ مجھے یہ کھلا رہے ہیں حالانکہ آپ حکمران ہیں؟ حضرت ام کلثوم رضی اللہ عنہا نے فرمایا: اے ابو صالح! پھر اگر تم امیر المومنین کو دیکھتے تو کیا حال ہوتا! ان کے پاس ترنج لائے گئے، حضرت حسن یا حضرت حسین نے ان میں سے ایک ترنج لینا چاہا تو انہوں نے اسے ان کے ہاتھ سے چھین لیا، پھر حکم دیا تو وہ ترنج تقسیم کر دیے گئے۔ [مصنف ابن ابي شيبه/كتاب الزهد/حدیث: 37220]