حضرت جابر سے روایت ہے کہ نبی صلی اللہ علیہ وآلہ وسلم نے اپنے حج میں فرمایا کیا تم جانتے ہو کونسا دن حرمت کے اعتبار سے سب سے عظیم ہے حضرت جابر کہتے ہیں ہم نے عرض کیا ہمارا یہ دن، ارشاد فرمایا کونسا شہر حرمت کے اعتبار سے سب سے عظیم ہے ہم نے عرض کیا ہمارا یہ شہر، ارشاد فرمایا کونسا مہینہ حرمت کے اعتبار سے سب سے عظیم ہے ہم نے عرض کیا ہمارا یہ مہینہ، حضرت جابر فرماتے ہیں رسول اللہ صلی اللہ علیہ وآلہ وسلم نے ارشاد فرمایا بلاشبہ تمہارے خون اور تمہارے مال آپس میں ایک دوسرے پر حرام ہیں اس دن کی حرمت کی طرح اس شہر میں اس مہینے میں۔ [مصنف ابن ابي شيبه/كتاب الفتن/حدیث: 39948]