حضرت مرہ نبی صلی اللہ علیہ وآلہ وسلم کے اصحاب میں سے ایک صاحب سے نقل کرتے ہیں انہوں نے فرمایا رسول اللہ صلی اللہ علیہ وآلہ وسلم ہمارے درمیان ایک سرخ رنگ کی کان کٹی اونٹنی پر کھڑے ہوئے اور ارشاد فرمایا کیا تم جانتے ہو یہ تمہارا کونسا دن ہے؟ کیا تم جانتے ہو یہ تمہارا کونسا مہینہ ہے؟ کیا تم جانتے ہو یہ تمہارا کونسا شہر ہے؟ پھر ارشاد فرمایا بیشک تمہارے خون اور تمہارے مال تم پر ایسے ہی حرام ہیں جیسے تمہارے اس دن کی حرمت تمہارے اس شہر میں تمہارے اس مہینے میں۔ [مصنف ابن ابي شيبه/كتاب الفتن/حدیث: 39949]