سیدنا عبداللہ بن عباس رضی اللہ عنہما بیان کرتے ہیں: ایک شخص حالت احرام میں نبی کریم صلی اللہ علیہ وسلم کے ساتھ آ رہا تھا اور وہ اپنے اونٹ سے گر گیا، اس کی گردن کی ہڈی ٹوٹ گئی اور وہ فوت ہو گیا، نبی کریم صلی اللہ علیہ وسلم نے ارشاد فرمایا: ”اسے پانی اور بیری کے پتوں کے ذریعے غسل دو اور اسے اس کے یہی دو کپڑوں (یعنی احرام کے دو کپڑوں) میں پہنا دو، اس کے سر کو ڈھانپنا نہیں، کیونکہ یہ قیامت کے دن تلبیہ پڑھتے ہوئے آئے گا۔“ ابن جریج نامی راوی بیان کرتے ہیں: میں نے اپنے استاد سے دریافت کیا: ”کیا سعید بن جبیر نے آپ کو یہ بات بتائی تھی کہ وہ شخص کون سی جگہ پر گرا تھا؟“ تو انہوں نے جواب دیا: ”جی نہیں!“ [سنن الدارقطني/ كتاب الحج/حدیث: 2774]