سیدنا انس رضی اللہ عنہ بیان کرتے ہیں: ایک شخص نے نبی کریم صلی اللہ علیہ وسلم سے دریافت کیا: ”اللہ نے اپنے بندوں پر کتنی نمازیں فرض کی ہیں؟“ نبی کریم صلی اللہ علیہ وسلم نے ارشاد فرمایا: ”پانچ نمازیں۔“ اس نے دریافت کیا: ”کیا اس سے پہلے اور ان کے بعد بھی کوئی فرض کی ہے؟“ نبی کریم صلی اللہ علیہ وسلم نے ارشاد فرمایا: ”اللہ تعالیٰ نے اپنے بندوں پر پانچ نمازیں فرض کی ہیں۔“ تو اس شخص نے اللہ کے نام کی قسم اٹھائی کہ وہ ان پر کوئی اضافہ نہیں کرے گا، اور ان میں کوئی کمی نہیں کرے گا۔ تو نبی کریم صلی اللہ علیہ وسلم نے ارشاد فرمایا: ”اگر یہ ٹھیک کہہ رہا ہے تو یہ جنت میں جائے گا۔“ [سنن الدارقطني/ كتاب الصلاة/حدیث: 885]