سیدنا عطاء بن یسار رحمہ اللہ سے روایت ہے: رسول اللہ صلی اللہ علیہ وسلم احد سے واپسی پر بنی اشہل کی عورتوں کے پاس سے گزرے۔ وہ اپنے شہداء پر رو رہی تھیں۔ آپ صلی اللہ علیہ وسلم نے فرمایا: ”لیکن حمزہ کا کوئی رونے والا نہیں۔“ سیدنا سعد بن معاذ رضی اللہ عنہ نے انصار کی عورتوں کو حکم دیا کہ حمزہ پر جا کر روئیں۔ وہ جا کر روئیں۔ جب رسول اللہ صلی اللہ علیہ وسلم نے ان کے رونے کی آواز سنی تو پوچھا: ”یہ کون ہیں؟“ کہا گیا: ”انصار کی عورتیں ہیں۔“ آپ صلی اللہ علیہ وسلم نے فرمایا: ”اب رونا بند کرو۔“ اللہ تم پر، تمہاری اولاد اور ان کی اولاد پر اپنی رضا فرمائے۔ [سنن سعید بن منصور/كتاب الجهاد/حدیث: 4086]