سدی رحمہ اللہ جو کہ اسماعیل بن عبد الرحمن ہیں، اللہ عزوجل کے فرمان ﴿وَكَذَلِكَ نُرِي إِبْرَاهِيمَ مَلَكُوتَ السَّمَاوَاتِ وَالأَرْضِ﴾ کے بارے میں فرماتے ہیں: سیدنا ابراہیم علیہ السلام ایک چٹان پر کھڑے ہوئے تو ان کے لیے ساتوں آسمان کھول دیے گئے یہاں تک کہ انہوں نے عرش اور جنت میں اپنے مقام کو دیکھ لیا، پھر ان کے لیے ساتوں زمینیں بھی کھول دی گئیں یہاں تک کہ انہوں نے اس چٹان کو بھی دیکھ لیا جس پر زمینیں قائم ہیں، یہی اللہ عزوجل کے اس فرمان کا مطلب ہے ﴿وَآتَيْنَاهُ أَجْرَهُ فِي الدُّنْيَا﴾ یعنی اور ہم نے انہیں دنیا میں ان کا اجر عطا کیا۔ [سنن سعید بن منصور/كتاب التفسير/حدیث: 883]