نعیم مجمر بیان کرتے ہیں۔ انہوں نے سیدنا ابوہریرہ رضی اللہ عنہ کے پیچھے نماز ادا کی تو انہوں نے «بسم الله الرحمن الرحیم» پڑھی پھر انہوں نے سورۃ فاتحہ پڑھی۔ یہاں تک کہ «ولا الضالین» تک پہنچے تو انہوں نے آمین کہا:۔ تو لوگوں نے بھی آمین کہا:۔ وہ جب بھی سجدے میں جاتے تھے۔ تو «اللہ اکبر» کہتے تھے اور جب بیٹھنے کے بعد کھڑے ہوتے تھے، تو «اللہ اکبر» کہتے تھے۔ جب انہوں نے سلام پھیر لیا تو انہوں نے کہا: اس ذات کی قسم! جس کے دست قدرت میں میری جان ہے میں تم سب کے مقابلے میں زیادہ بہتر طور پر نبی اکرم صلی اللہ علیہ وسلم کی نماز سے مشابہت رکھتا ہوں۔ [صحیح ابن حبان/كتاب الصلاة/حدیث: 1801]