سیدنا عبداللہ بن عمرو رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں: ”جو شخص نوافل میں دس آیات کی تلاوت کرتا ہے اس کا شمار «الْغَافِلِيْنَ» ”غافلین“ میں نہیں ہوتا، جو شخص نوافل میں ایک سو آیات کی تلاوت کرتا ہے اس کا شمار «الْقَانِتِيْنَ» ”قانتین“ میں ہوتا ہے اور جو شخص ایک ہزار آیات کی تلاوت کرتا ہے اس کا شمار «الْمُقَنْطِرِيْنَ» ”مقنطرین“ میں ہوتا ہے۔“ (امام ابن حبان رحمہ اللہ فرماتے ہیں:) ابوسوید نامی راوی کا نام حمید بن سوید ہے اور یہ مصر سے تعلق رکھتے ہیں۔ اس شخص کو غلط فہمی ہوئی ہے جس نے ان کا نام ابوسویہ بیان کیا ہے۔ [صحیح ابن حبان/كتاب الصلاة/حدیث: 2572]