سیدنا ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”جب بندہ کوئی غلطی کرتا ہے، تو اس کے دل پر ایک نکتہ لگا دیا جاتا ہے، اگر وہ اس سے الگ ہو جائے اور مغفرت طلب کر لے اور توبہ کر لے، تو وہ نکتہ صاف ہو جاتا ہے، البتہ اگر وہ دوبارہ وہی غلطی کرتا ہے، تو اس میں اضافہ ہو جاتا ہے، یہاں تک کہ (وہ سیاہی) اس کے دل پر غالب آ جاتی ہے، یہ وہ «الرَّانُ» (زنگ) ہے، جس کا ذکر اللہ تعالیٰ نے کیا ہے: ﴿كَلَّا بَلْ رَانَ عَلَى قُلُوبِهِمْ مَا كَانُوا يَكْسِبُونَ﴾ [سورة المطففين: 14] ”بلکہ ان کے دلوں پر زنگ لگ گیا ہے اس وجہ سے جو وہ کماتے ہیں۔““ [صحیح ابن حبان/كتاب الصلاة/حدیث: 2787]