سیدنا ابوہریرہ رضی اللہ عنہ بیان کرتے ہیں کہ ایک شخص نے عرض کی: یا رسول اللہ! میرے کچھ رشتے دار ہیں، جن کے ساتھ میں صلہ رحمی کرتا ہوں اور وہ میرے ساتھ قطع رحمی کرتے ہیں۔ میں ان کے ساتھ اچھا سلوک کرتا ہوں اور وہ میرے ساتھ برا سلوک کرتے ہیں۔ میں ان کے ساتھ بردباری سے پیش آتا ہوں اور وہ میرے خلاف جہالت کا مظاہرہ کرتے ہیں۔ نبی اکرم صلی اللہ علیہ وسلم نے ارشاد فرمایا: ”اگر صورتِ حال ویسی ہی ہے جیسی تم بیان کر رہے ہو، تو گویا کہ تم ان پر «الْمَلَّ» ”راکھ“ چھڑکتے ہو اور اللہ تعالیٰ کی مدد تمہاری شاملِ حال رہے گی، جب تک تم اس طرح کرتے رہو گے۔“ [صحیح ابن حبان/كتاب البر والإحسان/حدیث: 451]