سیدنا ابوسعید خدری رضی اللہ عنہ بیان کرتے ہیں کہ نبی اکرم صلی اللہ علیہ وسلم نے ”دو طرح کا لباس پہننے سے منع فرمایا ہے: «اِشْتِمَالُ الصَّمَّاءِ» سے مراد یہ ہے کہ آدمی ایک کپڑے کو اس طرح سے لپیٹ لے کہ اس کے دونوں کنارے اس کے کندھے پر ہوں اور اس کا پہلو ظاہر ہو رہا ہو، اور دوسرا یہ ہے کہ آدمی ایک کپڑے کو «اِحْتِبَاءٌ» کے طور پر اس طرح لپیٹ لے کہ اس کپڑے کا کوئی بھی حصہ اس کی شرمگاہ پر نہ ہو۔“ [صحیح ابن حبان/كتاب اللباس وآدابه/حدیث: 5427]