سیدہ ام سلمہ اور میمونہ رضی اللہ عنہما بیان کرتی ہیں کہ میں اور میمونہ نبی اکرم صلی اللہ علیہ وسلم کے پاس موجود تھیں، اسی دوران ابن ام مکتوم رضی اللہ عنہ آئے، انہوں نے اندر آنے کی اجازت مانگی، یہ حجاب کا حکم نازل ہو جانے کے بعد کی بات ہے، نبی اکرم صلی اللہ علیہ وسلم نے فرمایا: ”تم دونوں اٹھ جاؤ۔“ ہم نے عرض کی: یہ تو نابینا ہے، یہ ہمیں نہیں دیکھ سکتا، نبی اکرم صلی اللہ علیہ وسلم نے فرمایا: ”کیا تم دونوں بھی نابینا ہو؟ کیا تم دونوں اسے نہیں دیکھو گی؟“
(امام ابن حبان رحمہ اللہ فرماتے ہیں:) ”کیا تم نابینا ہو۔“ یہاں پر لفظی طور پر خبر معلوم کی جا رہی ہے، لیکن اس کے ذریعے مراد اس بات کی ممانعت کرنا ہے کہ وہ دونوں خواتین اس مرد کی طرف دیکھیں جو نابینا ہے، اس میں اس بات کی دلیل موجود ہے کہ خواتین کے لیے بھی مردوں کی طرف دیکھنا حرام ہے، البتہ محرم مردوں کا حکم مختلف ہے اور یہ حرمت برابر ہے خواہ وہ لوگ نابینا ہوں یا بینا ہوں۔ [صحیح ابن حبان/كتاب الحظر والإباحة/حدیث: 5575]