سیدنا ابوہریرہ رضی اللہ عنہ روایت کرتے ہیں کہ نبی اکرم صلی اللہ علیہ وسلم نے ارشاد فرمایا: ”میرے نام اور کنیت کو جمع نہ کرو، میں ابوالقاسم ہوں، اللہ تعالیٰ عطا کرتا ہے اور میں تقسیم کرتا ہوں۔“ (امام ابن حبان رحمہ اللہ فرماتے ہیں:) یہ روایت ابن عجلان نے مقبری کے حوالے سے اور ان کے والد دونوں سے سنی ہے، یہ دونوں راوی ثقہ ہیں اور اس کے دونوں طرق محفوظ ہیں۔ [صحیح ابن حبان/كتاب الحظر والإباحة/حدیث: 5817]