ابوزرعہ بیان کرتے ہیں: میں اور سیدنا ابوہریرہ رضی اللہ عنہ سعید یا شاید مروان (نامی حکمران) کے گھر میں داخل ہوئے تو سیدنا ابوہریرہ رضی اللہ عنہ نے دیوار پر تصویر بنی دیکھی تو انہوں نے بتایا نبی اکرم صلی اللہ علیہ وسلم نے یہ بات ارشاد فرمائی ہے۔ اللہ تعالیٰ فرماتا ہے: ”اس شخص سے زیادہ ظالم اور کون ہو گا، جو میری مخلوق کی طرح تخلیق کرنے کی کوشش کرتا ہے ان لوگوں کو چاہئے کہ وہ ایک دانہ بنا دیں، یا ایک ذرہ پیدا کر دیں۔“ (امام ابن حبان رحمہ اللہ فرماتے ہیں:) نبی اکرم صلی اللہ علیہ وسلم کا یہ فرمان: انہیں چاہئے کہ وہ ایک دانہ بنا دیں، یا ایک ذرہ پیدا کر دیں یہاں پر الفاظ امر کے ہیں، لیکن اس کے ذریعے مراد یہ ہے: مقابل کو عاجز قرار دیا جائے۔ [صحیح ابن حبان/كتاب الحظر والإباحة/حدیث: 5859]