مضارب بن حزن بیان کرتے ہیں کہ ایک مرتبہ میں رات کے وقت سفر کر رہا تھا اسی دوران کسی شخص نے «اللَّهُ أَكْبَرُ» کہنا شروع کی، میں اپنے اونٹ پر اس تک پہنچا اور میں نے کہا: یہ تکبیر کہنے والا شخص کون ہے؟ اس نے جواب دیا: ابوہریرہ رضی اللہ عنہ۔ میں نے کہا: یہ تکبیر کیوں کہہ رہے ہیں؟ انہوں نے جواب دیا: شکر کے طور پر۔ میں نے کہا: کس بات کا؟ انہوں نے کہا: ”اس بات پر کہ میں بسرہ بنت غزوان رضی اللہ عنہا نامی خاتون کا ملازم تھا اس شرط پر کہ وہ میرے پہننے اوڑھنے کا سامان فراہم کرے گی اور مجھے کھانا دے دیا کرے گی، جب لوگ سوار ہو کر سفر کرتے تھے تو میں ان کے جانور لے کر پیدل چلتا تھا اور جب وہ پڑاؤ کیا کرتے تھے تو میں ان کی خدمت کیا کرتا تھا، پھر اللہ تعالیٰ نے اس عورت کے ساتھ میری شادی کر دی، آج وہ میری بیوی ہے، آج جب لوگ سوار ہوتے ہیں تو میں بھی اس وقت سوار ہوتا ہوں اور جب لوگ پڑاؤ کرتے ہیں تو میری خدمت کی جاتی ہے۔“ [صحیح ابن حبان/كتاب إخباره ﷺ عن مناقب الصحابة رجالهم ونسائهم بذكر أسمائهم رضوان الله عليهم أجمعين/حدیث: 7150]