مصعب بن سعد اپنے والد (سیدنا سعد رضی اللہ عنہ) کا یہ بیان نقل کرتے ہیں کہ نبی اکرم صلی اللہ علیہ وسلم کی خدمت میں ایک پیالہ لایا گیا، ہم نے اس میں سے کھا لیا پھر کچھ بچ گیا۔ نبی اکرم صلی اللہ علیہ وسلم نے فرمایا: ”اس راستے سے تمہارے سامنے ایک شخص آئے گا، جو اس پیالے میں سے کھائے گا اور وہ جنتی ہو گا۔“ سیدنا سعد رضی اللہ عنہ کہتے ہیں: میں اپنے بھائی سیدنا عمیر رضی اللہ عنہ کو وضو کرتے ہوئے چھوڑ کر آیا تھا، میں نے سوچا وہ میرا بھائی ہی ہو گا لیکن سیدنا عبداللہ بن سلام رضی اللہ عنہ تشریف لے آئے اور انہوں نے وہ کھانا کھایا۔ [صحیح ابن حبان/كتاب إخباره ﷺ عن مناقب الصحابة رجالهم ونسائهم بذكر أسمائهم رضوان الله عليهم أجمعين/حدیث: 7164]