سیدنا انس رضی اللہ عنہ بیان کرتے ہیں: ایک شخص باقاعدگی کے ساتھ نماز میں ہر سورۃ کے ساتھ سورۃ اخلاص کی تلاوت کیا کرتا تھا وہ شخص اپنے ساتھیوں کی امامت بھی کرتا تھا۔ نبی اکرم صلی اللہ علیہ وسلم نے اس سے اس بارے میں دریافت کیا، تو اس نے عرض کی: میں اس سورہ سے محبت کرتا ہوں، تو نبی اکرم صلی اللہ علیہ وسلم نے فرمایا: تمہارا اس سورۃ سے محبت کرنا تمہیں جنت میں داخل کر دے گا۔ [صحیح ابن حبان/كتاب الرقائق/حدیث: 794]