سیدنا ابوہریرہ رضی اللہ عنہ بیان کرتے ہیں: سیدہ فاطمہ رضی اللہ عنہا نبی اکرم صلی اللہ علیہ وسلم کی خدمت میں حاضر ہوئیں تاکہ آپ سے خادم مانگیں، تو نبی اکرم صلی اللہ علیہ وسلم نے ان سے فرمایا تم یہ پڑھا کرو: ”اے اللہ! اے سات آسمانوں کے پروردگار اے عرش عظیم کے پروردگار اے ہمارے پروردگار اور ہر چیز کے پروردگار! تو ظاہر ہے تیرے اوپر کوئی چیز نہیں ہے، تو باطن ہے تجھ سے نیچے کوئی چیز نہیں ہے۔ اے تورات، انجیل اور فرقان (یعنی قرآن) کو نازل کرنے والے۔ اے دانے اور گٹھلی کو چیرنے والے۔ میں ہر اس چیز کے شر سے تیری پناہ مانگتا ہوں جس کی پیشانی کو، تو نے پکڑا ہوا ہے، تو ہی پہلا ہے تجھ سے پہلے کوئی نہیں تھا، تو ہی بعد والا ہے تیرے بعد کوئی نہیں ہو گا، تو ہمارا قرض ادا کر دے اور ہمیں غربت سے بے نیاز کر دے۔“ [صحیح ابن حبان/كتاب الرقائق/حدیث: 966]