سیدنا ابن عباس رضی اللہ عنہما سے روایت ہے کہ قریش نے کہا: اے محمد! اپنے رب سے دعا کیجیے کہ وہ صفا کو سونا بنا دے تو ہم آپ کی تصدیق کریں گے، رسول اللہ صلی اللہ علیہ وسلم نے پوچھا: ”کیا تم ایسا کرو گے؟“ انہوں نے کہا: جی ہاں، تب جبرائیل علیہ السلام نبی صلی اللہ علیہ وسلم کے پاس آئے اور کہا: ”ان سے پختہ عہد لے لیں“، پھر جبرائیل علیہ السلام نے کہا: ”اے محمد! اللہ نے آپ کو وہ عطا کر دیا ہے جو آپ نے مانگا ہے، اگر آپ چاہیں تو صفا آپ کے لیے سونا بن جائے گا، لیکن اس کے بعد جس نے کفر کیا اسے میں ایسا عذاب دوں گا جو کائنات میں کسی کو نہیں دیا، اور اگر آپ چاہیں تو میں ان کے لیے توبہ اور رجوع کا دروازہ کھول دوں“، رسول اللہ صلی اللہ علیہ وسلم نے فرمایا: ”توبہ اور رحمت کا دروازہ مجھے زیادہ پسند ہے۔“
یہ وہم (نام کی تبدیلی) امام ثوری کی حدیث کو کمزور نہیں کرتا، کیونکہ میں تابعین میں عمران بن جعد نامی کسی شخص کو نہیں جانتا، جبکہ اسماعیل بن ابی خالد نے عمران بن ابی جعد سے روایت کی ہے، رہا عمران بن جعد تو وہ اتباعِ تابعین میں سے ہیں۔ [المستدرك على الصحيحين/كتاب الإيمان/حدیث: 177]