سیدنا انس بن مالک رضی اللہ عنہ فرماتے ہیں: رسول اللہ صلی اللہ علیہ وسلم نے ارشاد فرمایا: جو شخص سوتے وقت یہ دعا پڑھے: الحمدللّٰہ الذی کفانی وآوانی، الحمد للّٰہ الذی اطعمنی وسقانی، الحمد للّٰہ الذی من علی فافضل، اللّٰھمّ اِنّی اسألک بعزّتِک ان تنجینی من النار۔ ” تمام تعریفیں اس اللہ کے لیے ہیں جو میرے لیے کافی ہے اور جو میرا ٹھکانہ ہے، تمام تعریفیں اس اللہ کے لیے ہیں جس نے مجھے کھلایا اور پلایا ہے، تمام تعریفیں اس اللہ کے لیے ہیں جس نے میرے اوپر احسان کیا اور فضیلت دی، اے اللہ! میں تیری عزت کا واسطہ دے کر سوال کرتا ہوں تو مجھے دوزخ سے بچا “ اس نے تمام مخلوقات کی تمام تعریفوں کے برابر تعریف کی۔ ٭٭ یہ حدیث امام بخاری رحمۃ اللہ علیہ و امام مسلم رحمۃ اللہ علیہ دونوں کے معیار کے مطابق صحیح ہے لیکن دونوں نے ہی اسے نقل نہیں کیا۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 2024]