سیدہ عائشہ رضی اللہ عنہا فرماتی ہیں کہ رسول اللہ صلی اللہ علیہ وسلم نے ارشاد فرمایآ: تمام مسلمانوں کا ذمہ ایک ہی ہے اگر کوئی لونڈی ان کی پناہ میں ہو تو تم اس کے ساتھ کیا ہوا عہد مت توڑو کیونکہ ہر خیانت کرنے والے کے لیے قیامت کے دن ایک خاص نشانی ہو گی، جس کے سبب قیامت کے دن اس کو پہچانا جائے گا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو ان لفظوں کے ہمراہ نقل نہیں کیا، تاہم امام بخاری رحمۃ اللہ علیہ اور امام مسلم رحمۃ اللہ علیہ دونوں نے صرف ” غادر “ کا ذکر کیا ہے۔ نوٹ: مذکورہ حدیث میں ” فَاِنْ جَازتْ عَلَیْھِمْ جَائزۃ “ کے الفاظ ہیں۔ جب کہ دیگر تمام کتب حدیث میں فان اَجَارَتْ عَلَیْھِمْ جَارِیَۃٌ کے الفاظ ہیں۔ اس لیے ترجمہ میں ” اَجَارَتْ “ والے الفاظ کی رعایت کی گئی ہے۔ (شفیق) [المستدرك على الصحيحين/كتاب قسم الفيء/حدیث: 2658]