سیدنا انس بن مالک رضی اللہ عنہ سے روایت ہے کہ نبی کریم صلی اللہ علیہ وسلم کے عہدِ مبارک میں دو بھائی تھے، ان میں سے ایک (علم حاصل کرنے کے لیے) نبی کریم صلی اللہ علیہ وسلم کی خدمت میں حاضر رہتا تھا اور دوسرا محنت مزدوری کرتا تھا، تو محنت کرنے والے نے اپنے بھائی کی شکایت نبی کریم صلی اللہ علیہ وسلم سے کی (کہ وہ کام میں ہاتھ نہیں بٹاتا)، آپ صلی اللہ علیہ وسلم نے فرمایا: ”شاید تمہیں اس (بھائی کی برکت) سے ہی رزق دیا جا رہا ہو۔“
یہ حدیث امام مسلم کی شرط پر صحیح ہے اور اس کے تمام راوی پختہ اور ثقہ ہیں، لیکن شیخین نے اسے روایت نہیں کیا۔ [المستدرك على الصحيحين/كتاب العلم/حدیث: 324]