سیدنا سعد بن ابی وقاص رضی اللہ عنہ، اللہ تعالیٰ کے ارشاد: نَحْنُ نَقُصُّ عَلَیْکَ اَحْسَنَ الْقَصَصِ (یوسف: 3) ” ہم تمہیں سب سے اچھا بیان سناتے ہیں “ کے متعلق فرماتے ہیں: رسول اکرم صلی اللہ علیہ وسلم پر قرآن پاک نازل ہوا تو آپ صلی اللہ علیہ وسلم ایک عرصہ تک لوگوں کو اس کی تلاوت سناتے رہے۔ لوگوں نے عرض کی: یا رسول اللہ صلی اللہ علیہ وسلم ! آپ ہمیں کوئی قصہ سنایئے، تو اللہ تعالیٰ نے یہ آیت نازل فرمائی: الٓرٰ تِلْکَ ٰایٰتُ الْکِتٰبِ الْمُبِیْنِ (یوسف: 1) ” الر، یہ روشن کتاب کی آیتیں ہیں۔“ آپ صلی اللہ علیہ وسلم نے نَحْنُ نَقُصُّ عَلَیْکَ اَحْسَنَ الْقَصَصِ والی آیت کے آخر تک تلاوت کی۔ پھر آپ ایک عرصے تک ان کو یہ قصہ سناتے رہے۔ پھر لوگوں نے فرمائش کی۔ آپ ہم سے باتیں کریں تو اللہ تعالیٰ نے یہ آیت نازل فرمائیں: اَللّٰہُ نَزَّلَ اَحْسَنَ الْحَدِیْثِ کِتَابًا مُّتَشَابِھًا (الزمر: 23) ” اللہ نے اتاری سب سے اچھی کتاب کہ اول سے آخر تک ایک سی ہے “ آیت کے آخر تک تلاوت کی آپ کو ہر چیز کا حکم بذریعہ قرآن دیا جاتا تھا۔ [المستدرك على الصحيحين/كتاب التفسير/حدیث: 3359]