سیدنا یزید بن بابنوس رضی اللہ عنہ کا بیان ہے کہ ہم نے سیدہ عائشہ رضی اللہ عنہا سے عرض کی: اے ام المومنین رضی اللہ عنہا! رسول اللہ صلی اللہ علیہ وسلم کے اخلاق کیسے تھے؟ آپ رضی اللہ عنہا نے فرمایا: رسول اللہ صلی اللہ علیہ وسلم کا خلق ” قرآن “ ہے۔ پھر آپ رضی اللہ عنہا نے فرمایا: تم سورۃ ” مومنون “ پڑھتے ہو۔ پڑھو: قَدْ اَفْلَحَ الْمُؤْمِنُوْنَ (المؤمنون: 1) ” بیشک مراد کو پہنچے ایمان والے “۔ یہاں تک کہ دس آیتوں تک پہنچ گئے۔ پھر انہوں نے فرمایا: رسول اللہ صلی اللہ علیہ وسلم کا خلق یہی تھا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كتاب التفسير/حدیث: 3523]