سیدنا حسن رضی اللہ عنہ، اللہ تعالیٰ کے ارشاد: اِنَّ مَعَ الْعُسْرِ یُسْرًا ” بیشک دشواری کے ساتھ آسانی ہے۔“ کے بارے میں فرماتے ہیں: ایک دن نبی اکرم صلی اللہ علیہ وسلم بہت ہشاش بشاش اور خوش خوش مسکراتے ہوئے تشریف لائے اور آپ فرما رہے تھے: ”لَنْ یَّغْلِبَ عُسْرٌ یُّسْرَیْن“ ” ایک مشقت کبھی بھی دو آسانیوں پر غالب نہیں آ سکتی۔“ فَاِنَّ مَعَ الْعُسْرِ یُسْرًا اِنَّ مَعَ الْعُسْرِ یُسْرًا ” بیشک دشواری کے ساتھ آسانی ہے، بیشک دشواری کے ساتھ آسانی ہے۔“ [المستدرك على الصحيحين/كتاب التفسير/حدیث: 3994]