سیدنا براء بن عازب رضی اللہ عنہ فرماتے ہیں: مہاجرین میں سے سب سے پہلے ہمارے پاس سیدنا مصعب بن عمیر رضی اللہ عنہ اور ابن ام مکتوم رضی اللہ عنہ آئے۔ یہ ہمیں قرآن پڑھایا کرتے تھے اور جب رسول اللہ صلی اللہ علیہ وسلم تشریف لائے تو اس وقت تک میں سورۃ ” سَبِّحِ اسْمَ رَبِّکَ الْاَعْلٰی “ اور مفصل میں سے ایک سورۃ پڑھ چکا تھا۔ پھر سیدنا سعد بن مالک رضی اللہ عنہ اور عمار بن یاسر رضی اللہ عنہ تشریف لائے، پھر سیدنا عمر بن خطاب 120 افراد کے ہمراہ تشریف لائے، پھر حضور صلی اللہ علیہ وسلم بھی تشریف لے آئے تو جتنی خوشی ہمیں رسول اللہ صلی اللہ علیہ وسلم کے تشریف لانے کی تھی کبھی کسی چیز کی اتنی خوشی نہیں ہوئی تو عورتیں اور بچے یہ کہتے ہوئے دوڑے چلے آ رہے تھے کہ ” یہ رسول اللہ صلی اللہ علیہ وسلم ہیں۔“ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب : آيات رسول الله صلى الله عليه وسلم التي في دلائل النبوة/حدیث: 4300]