کنانہ عدوی سے روایت ہے، انہوں نے کہا: میں ان لوگوں میں شامل تھا جنہوں نے سیدنا عثمان رضی اللہ عنہ کا محاصرہ کیا ہوا تھا، وہ کہتے ہیں کہ میں نے پوچھا: کیا محمد بن ابی بکر نے انہیں قتل کیا؟ انہوں نے کہا: نہیں، بلکہ اہل مصر کے ایک شخص جبلہ بن ایہم نے انہیں قتل کیا، راوی کہتے ہیں: اور ایک قول یہ ہے کہ انہیں قتیرہ سکونی نے قتل کیا جو اسی وقت مارا گیا، اور یہ بھی کہا گیا ہے کہ انہیں کنانہ بن بشر تجیبی نے قتل کیا، اور شاید ان سب نے مل کر ان کے قتل میں شرکت کی تھی، اللہ ان پر لعنت کرے، اور ولید بن عقبہ نے (اس پر) یہ اشعار کہے: ”خبردار! اپنے نبی صلی اللہ علیہ وسلم کے بعد لوگوں میں سب سے بہتر وہ شخص ہے جسے مصر سے آنے والے اس تجیبی نے شہید کر دیا،“ یہاں تجیبی سے مراد عثمان رضی اللہ عنہ کا قاتل ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4617]