سیدنا عبداللہ بن عباس رضی اللہ عنہما فرماتے ہیں: رسول اللہ صلی اللہ علیہ وسلم نے جنگ بدر کے دن فرمایا: تم میں سے جس کے سامنے عباس (رسول اللہ صلی اللہ علیہ وسلم کے چچا) آئیں تو ان کو قتل نہ کرنا، کیونکہ وہ مجبور ہے۔ تو سیدنا ابوحذیفہ رضی اللہ عنہ نے کہا: ہم اپنے آباء و اجداد کو، اپنے بھائیوں کو اور اپنے خاندان والوں کو قتل کر دیں اور عباس کو چھوڑ دیں؟ خدا کی قسم! میں تو اس کو نہیں چھوڑوں گا۔ یہ بات رسول اللہ صلی اللہ علیہ وسلم تک پہنچ گئی، آپ صلی اللہ علیہ وسلم سیدنا عمر رضی اللہ عنہ کے پاس تشریف لائے، اور فرمایا: اے ابوحفص! (سیدنا عمر فرماتے ہیں یہ پہلا دن تھا کہ حضور صلی اللہ علیہ وسلم نے مجھے ابوحفص کی کنیت سے پکارا) رسول اللہ صلی اللہ علیہ وسلم کے چچا کے چہرے پر تلوار چلائی جائے گی، سیدنا عمر رضی اللہ عنہ نے عرض کی: حضور صلی اللہ علیہ وسلم ! مجھے اجازت عطا فرمایئے، میں اس کی گردن مار دیتا ہوں، یہ منافق ہو گیا ہے۔ (اس کے بعد) سیدنا ابوحذیفہ رضی اللہ عنہ فرمایا کرتے تھے ” اس دن والی گفتگو سے میں کبھی بھی بے خوف نہیں ہوا، اور میں اس کی وجہ سے ہمیشہ خوفزدہ رہا کرتا تھا، حتی کہ اللہ تعالیٰ مجھے شہادت دے کر اس گناہ کو مٹا دے (یعنی مجھے شہادت عطا فرما دے) “ آپ جنگ یمامہ میں شہید ہوئے۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5058]