سیدنا عبداللہ بن عباس رضی اللہ عنہما فرماتے ہیں: ضرار بن ازور رضی اللہ عنہ نے جب اسلام قبول کیا تو نبی اکرم صلی اللہ علیہ وسلم کی خدمت میں حاضر ہوئے اور یہ قصیدہ پڑھا۔ تَرَكْتُ الْقِدَاحَ وَعَزْفَ الْقِيَانِ ... وَالْخَمْرَ تَصْلِيَةً وَابْتِهَالَا وَكَرِّي الْمُحَبَّرَ فِي غَمْرَةٍ ... وَجَهْدِي عَلَى الْمُسْلِمِينَ الْقِتَالَا وَقَالَتْ جَمِيلَةُ بَدَّدْتَنَا ... وَطَرَحْتَ أَهْلَكَ شَتَّى شِمَالَا فَيَا رَبِّ لَا أُغْبَنَنْ صَفْقَتِي ... فَقَدْ بِعْتُ أَهْلِي وَمَالِي بِدَالَا۔ * میں نے جوئے کے تیر، گانے باجے کے آلات اور شراب نوشی وغیرہ عاجزی کی بناء برکت حاصل کرنے کے لئے چھوڑ دیئے ہیں۔ * نشے کے عالم میں کرایہ پر دینے والا گھوڑا، اور مسلمانوں کے خلاف جنگ سب چھوڑ دیئے ہیں۔ * اور جمیلہ نے کہا: تو نے ہمیں دور کر دیا، اور اپنے اہل و عیال کو مختلف مقامات پر بکھیر دیا۔ * اے میرے رب میرے سودے میں مجھے نقصان نہ ہو، کیونکہ میں نے اپنا گھر بار، دھن دولت سب تیری رضا کے لئے چھوڑ دیئے ہیں۔ تو رسول اللہ صلی اللہ علیہ وسلم نے فرمایا: اے ضرار! تمہیں سودے میں خسارا نہیں ہوا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5116]