سیدنا جابر رضی اللہ عنہ فرماتے ہیں: میرے ماموں جد بن قیس نے مجھے انصار کے ان ستر سواروں میں شامل ہونے پر ابھارا جو رسول اللہ صلی اللہ علیہ وسلم کی بارگاہ میں حاضر ہوئے تھے، حالانکہ میں ایک پتھر بھی پھینکنے کی طاقت نہیں رکھتا تھا۔ حضور صلی اللہ علیہ وسلم ہمارے پاس تشریف لائے اور اس وقت آپ صلی اللہ علیہ وسلم کے ہمراہ ان کے چچا سیدنا عباس رضی اللہ عنہ بھی تھے۔ حضور صلی اللہ علیہ وسلم نے فرمایا: اے چچا! میرے لئے اپنے ماموؤں میں سے کچھ لوگوں کو چن لو، انہوں نے جواباً کہا: اے محمد! اپنے رب کے لئے اور اپنے لئے جو چاہیں آپ طلب فرما لیں۔ رسول الله صلی اللہ علیہ وسلم نے فرمایا: جس کو میں اپنے لئے طلب کروں گا اس کو تم روک لو گے جیسا کہ تم نے اس سے اپنے مال اور اپنی جانوں کو روک رکھا ہے۔ لوگوں نے کہا: اگر ہم یہ کام کر گزریں تو ہمیں اس کے بدلے میں کیا ملے گا؟ آپ صلی اللہ علیہ وسلم نے فرمایا جنت۔ ٭٭ یہ تمام روایات ایک ہی عبارت کے ساتھ مروی ہیں۔ اور موسیٰ بن عمران کی حدیث کو ان سے صرف انہوں نے ہی سنا ہے۔ ٭٭ یہ حدیث صحیح الاسناد ہے لیکن شیخین رحمۃ اللہ علیہما نے اس کو نقل نہیں کیا اور عباسیہ کے پاس سیدنا عباس کے قدیم الاسلام ہونے پر اس سے بڑھ کر کوئی صحیح حدیث موجود نہیں ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5492]