ربعی بن حراش کہتے ہیں: سیدہ عائشہ رضی اللہ عنہا کے ماں شریک بھائی کے بیٹے طفیل بن عبداللہ نے کہا: میں نے خواب میں دیکھا ہے کہ میری ملاقات ایک عیسائیوں کی ایک جماعت کے ساتھ ہوئی، میں نے ان سے کہا: تم کتنے اچھے لوگ ہو، اگر تم مسیح عیسیٰ ابن مریم کو خدا کا بیٹا نہ سمجھو، انہوں نے آگے سے جواب دیا: اور تم بھی بہت اچھی قوم ہو اگر تم ” ماشاء اللہ اور ماشاء محمد “ نہ کہو۔ طفیل بن عبداللہ فرماتے ہیں: پھر ان کی ملاقات یہودیوں کی ایک جماعت کے ساتھ ہوئی، میں نے ان سے کہا: تم کتنے اچھے لوگ ہو، اگر تم سیدنا عزیر علیہ السلام کو اللہ تعالیٰ کا بیٹا نہ کہو۔ انہوں نے جواباً کہا: تم کتنے اچھے لوگ ہو اگر تم ” ماشاء اللہ اور ماشاء محمد “ نہ کہو۔ سیدنا طفیل رسول اللہ صلی اللہ علیہ وسلم کی بارگاہ میں حاضر ہوئے اور اپنا خواب بیان کیا تو رسول اللہ صلی اللہ علیہ وسلم نے پوچھا: کیا تم نے یہ بات کسی کو بتائی ہے؟ میں نے کہا: جی ہاں، تو حضور صلی اللہ علیہ وسلم نے اللہ تعالیٰ کی حمد و ثناء کے بعد فرمایا: جیسا کہ تمہیں معلوم ہے کہ تمہارے بھائی نے ایک خواب دیکھا ہے، اس لئے تم ” ماشاء اللہ و ماشاء محمد “ نہ کہا کرو، بلکہ صرف ” ماشاء اللہ وحدہ لاشریک “ کہا کرو۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6058]