ابراہیم بن عبداللہ بن حنین فرماتے ہیں کہ سیدنا عبداللہ بن عباس رضی اللہ عنہما کا اور سیدنا مسور بن مخرمہ رضی اللہ عنہ کا آپس میں اس بات پر اختلاف ہو گیا کہ محرم اگر جنبی نہ ہو تو وہ اپنا سر پانی کے ساتھ دھو سکتا ہے یا نہیں؟ ان دونوں نے سیدنا ابوایوب انصاری رضی اللہ عنہ کی جانب ایک آدمی بھیجا تاکہ وہ آپ سے اس مسٔلہ کا جواب پوچھ کر آئے، ان دنوں سیدنا ابوایوب رضی اللہ عنہ مکہ کے کسی کنویں پر موجود تھے۔ اس کے بعد پوری حدیث بیان کی۔ (امام حاکم کہتے ہیں) اس حدیث میں سیدنا ابوایوب انصاری رضی اللہ عنہ کی فضیلت نظر آتی ہے کہ سیدنا عبداللہ بن عباس رضی اللہ عنہما نے اور سیدنا مسور بن مخرمہ رضی اللہ عنہ نے سوال کے معاملہ میں ان سے رجوع کیا۔ اور میرا خیال ہے کہ شیخین رحمۃ اللہ علیہما دونوں نے یا ان میں سے کسی ایک نے یہ حدیث کتاب الطہارت میں ذکر کی ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6057]