عامر بن سعد اپنے والد سیدنا سعد بن ابی وقاص رضی اللہ عنہ کا یہ بیان نقل کرتے ہیں (وہ فرماتے ہیں کہ) میرا خیال ہے کہ میں اسلام کا تیسرا حصہ ہوں (یعنی تیسرے نمبر پر اسلام لائے)۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6236]

سیدنا سعید بن مسیب رضی اللہ عنہ فرماتے ہیں کہ سیدنا سعد بن ابی وقاص رضی اللہ عنہ نے فرمایا: جس دن میں نے اسلام قبول کیا اس دن اور کسی نے اسلام قبول نہیں کیا۔ (رسول اللہ صلی اللہ علیہ وسلم کے اعلان نبوت کے صرف) سات دن بعد میں نے اسلام قبول کر لیا تھا اور تیسرے نمبر پر اسلام قبول کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6236M]