محمد بن سعد کہتے ہیں: میں نے محمد بن عمر سے کہا کہ کوفے والے اعمش کے واسطے سے، ابوسفیان کے حوالے سے سیدنا جابر رضی اللہ عنہ کا یہ ارشاد بیان کرتے ہیں کہ ” میں جنگ بدر میں، کنویں سے (اس میں پھینکی گئی مشرکوں کی) لاشوں کو باہر نکال رہا تھا “۔ محمد بن عمر نے کہا: سیدنا جابر اور سیدنا عبداللہ بن مسعود رضی اللہ عنہما کے بارے میں اہل کوفہ کی یہ روایات غلط ہیں، جن میں وہ ان بزرگوں کو بدری صحابہ میں شامل کرنا چاہتے تھے۔ جبکہ یہ روایت موسیٰ بن عقبہ، محمد بن اسحاق، ابومعشر اور کسی بھی مؤرخ نے ذکر نہیں کی۔ خارجہ بن حارث فرماتے ہیں: سیدنا جابر بن عبداللہ رضی اللہ عنہما کا انتقال 94 سال کی عمر میں، سن 78 ہجری میں ہوا۔ آخری عمر میں آپ کی بینائی زائل ہو گئی تھی۔ میں نے ان کی چارپائی پر ایک چادر دیکھی ہے۔ سیدنا ابان بن عثمان ان دنوں مدینے کے والی تھے، انہوں نے ہی ان کی نماز جنازہ پڑھائی۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6542]

6542 م - خارجہ بن حارث بیان کرتے ہیں کہ: ”جابر بن عبداللہ (رضی اللہ عنہ) کی وفات سن 78 ہجری میں ہوئی، اس وقت ان کی عمر چورانوے (94) برس تھی اور ان کی بینائی جا چکی تھی۔ میں نے ان کے جنازے کے تخت پر ایک چادر دیکھی، اور ان کی نمازِ جنازہ ابان بن عثمان نے پڑھائی جو اس وقت مدینہ کے گورنر تھے“۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6542M]