ابوعبید القاسم بن سلام فرماتے ہیں: یہ بات ثابت ہے اور ہمارے نزدیک صحیح ہے کہ رسول اللہ صلی اللہ علیہ وسلم نے 18 عورتوں سے نکاح کیا۔ ان میں سے 7 عورتیں قریش کے قبیلوں سے ہیں، ایک قریش کے حلیف قبیلے سے ہیں، 7 ازواج دیگر اہل عرب سے ہیں، ایک کا تعلق بنی اسرائیل سے ہے، وہ سیدنا موسیٰ بن ہارون علیہ السلام کے بھائی سیدنا ہارون بن عمران علیہ السلام کی اولاد میں سے ہیں۔ سیدنا ابوعبیدہ فرماتے ہیں: رسول اللہ صلی اللہ علیہ وسلم نے جاہلیت میں سب سے پہلے جس خاتون سے شادی کی وہ سیدہ خدیجہ رضی اللہ عنہا ہیں۔ ان کے بعد زمانہ اسلام میں مکہ مکرمہ میں سیدہ سودہ بنت زمعہ رضی اللہ عنہا سے شادی کی۔ ہجرت سے دو سال قبل ام المومنین سیدہ عائشہ رضی اللہ عنہا کے ساتھ نکاح کیا۔ جنگ بدر کے بعد سن 2 ہجری کو مدینہ منورہ میں ام المومنین سیدہ ام سلمہ رضی اللہ عنہا کے ساتھ نکاح کیا۔ اسی سال ام المومنین سیدہ حفصہ بنت عمر رضی اللہ عنہا کے ساتھ نکاح کیا۔ یہ پانچ خواتین اہل عرب سے تھیں۔ 5 ہجری کو ام المومنین سیدہ جویریہ بنت حارث رضی اللہ عنہا کے ساتھ نکاح کیا۔ 6 ہجری کو سیدہ ام حبیبہ بنت ابوسفیان رضی اللہ عنہا کے ساتھ نکاح کیا۔ 7 ہجری کو سیدہ صفیہ بنت حیی رضی اللہ عنہا کے ساتھ نکاح کیا۔ ان کے بعد سیدہ میمونہ بنت حارث رضی اللہ عنہا کے ساتھ نکاح کیا۔ ان کے بعد سیدہ فاطمہ بنت شریح رضی اللہ عنہا کے ساتھ کیا۔ ان کے بعد سیدہ زینب بنت خزیمہ رضی اللہ عنہا کے ساتھ کیا۔ ان کے بعد سیدنا ہند بنت یزید رضی اللہ عنہا کے ساتھ کیا۔ ان کے بعد سیدہ اسماء بنت نعمان رضی اللہ عنہا کے ساتھ کیا۔ ان کے بعد سیدنا قتیلہ بنت قیس رضی اللہ عنہا جو کہ اشعث کی بہن ہیں، ان کے ساتھ نکاح کیا۔ ان کے بعد سیدنا سناء بنت صلت سلمیہ رضی اللہ عنہا کے ساتھ کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6858]