ام المومنین سیدہ عائشہ رضی اللہ عنہا فرماتی ہیں: جب اہل مکہ نے اپنے اپنے قیدیوں کو رہا کروانے کے لئے فدیے بھیجے، تو رسول اللہ صلی اللہ علیہ وسلم کی صاحبزادی سیدہ زینب نے ابوالعاص کی رہائی کے لئے ایک ہار بھیجا، یہ ہار ابوالعاص کے ساتھ نکاح کے موقع پر سیدہ خدیجہ رضی اللہ عنہا نے ان کو تحفہ دیا تھا، جب رسول اللہ صلی اللہ علیہ وسلم نے وہ ہار دیکھا تو آپ صلی اللہ علیہ وسلم پر بہت شدید رقت طاری ہو گئی۔ آپ صلی اللہ علیہ وسلم نے صحابہ کرام رضی اللہ عنہم سے فرمایا: اگر تم لوگ مناسب سمجھو تو زینب کے قیدی کو رہا کر دو اور اس کا یہ ہار اس کو واپس کر دو۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7012]