سیدنا عبداللہ بن عباس رضی اللہ عنہما فرماتے ہیں: نبی اکرم صلی اللہ علیہ وسلم نے سیدنا علی رضی اللہ عنہ کو یمن میں بھیجا اور فرمایا: ان کو دین کی تعلیم دو اور ان کے درمیان فیصلے بھی کرو۔ سیدنا علی رضی اللہ عنہ نے عرض کی: میں قضاء کا علم نہیں رکھتا۔ رسول اللہ صلی اللہ علیہ وسلم نے ان کے سینے پر ہاتھ پھیرتے ہوئے دعا مانگی ” اے اللہ اس کو قضاء کی ہدایت عطا فرما۔ (یعنی اس کو صحیح فیصلے کرنے کی صلاحیت عطا فرما)۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس کو نقل نہیں کیا۔ [المستدرك على الصحيحين/كتاب الأحكام/حدیث: 7179]