ابو حدرد رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”ہمارے ان اونٹوں کو کون ہانک کر لے جائے گا؟“ ایک شخص کھڑا ہوا اور عرض کیا: میں، آپ صلی اللہ علیہ وسلم نے پوچھا: ”تمہارا نام کیا ہے؟“ اس نے اپنا نام بتایا، آپ صلی اللہ علیہ وسلم نے فرمایا: ”بیٹھ جاؤ“، پھر دوسرا شخص کھڑا ہوا اور عرض کیا: میں، آپ صلی اللہ علیہ وسلم نے پوچھا: ”تمہارا نام کیا ہے؟“ اس نے اپنا نام بتایا، آپ صلی اللہ علیہ وسلم نے فرمایا: ”بیٹھ جاؤ“، پھر ایک اور شخص کھڑا ہوا اور عرض کیا: میں، آپ صلی اللہ علیہ وسلم نے پوچھا: ”تمہارا نام کیا ہے؟“ اس نے کہا: ناجیہ (نجات پانے والا)، آپ صلی اللہ علیہ وسلم نے فرمایا: ”تم اس کام کے لیے موزوں ہو، تم انہیں ہانک کر لے جاؤ۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الأدب/حدیث: 7923]