سیدنا بریدہ رضی اللہ عنہ سے روایت ہے کہ ایک عورت نبی کریم صلی اللہ علیہ وسلم کی بارگاہ میں حاضر ہو کر عرض گزار ہوئی: میری والدہ فوت ہو گئی ہیں اور ان کے ذمے دو ماہ کے روزے باقی ہیں، آپ صلی اللہ علیہ وسلم نے فرمایا: ”ان کی طرف سے روزے رکھ لو۔“ اس نے عرض کی: ان کے ذمے حج بھی تھا، آپ صلی اللہ علیہ وسلم نے فرمایا: ”ان کی طرف سے حج کر لو۔“ اس نے کہا: میں نے انہیں ایک لونڈی صدقہ میں دی تھی، آپ صلی اللہ علیہ وسلم نے فرمایا: ”اللہ نے تجھے اجر دے دیا ہے اور وراثت نے وہ لونڈی تجھے واپس لوٹا دی ہے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الفرائض/حدیث: 8216]